Akshuli, excited na excited sila dahil nakikita nila ang mga sarili nila sa webcam :)

Sila ang mga mag-aaral ng Angkaol Primary School sa Angkaol Commune, Krong Kep, Cambodia. Isa sa mga mapalad na napiling gawing village hub ang paaralang ito. Kinuha ko ito noong September 2007 sa pagbubukas ng limang village hubs sa Kep. Sa wakas, naikabit din ang broadband satellite internet - at full media - sa paaralang ito. Kitang-kita sa kanilang mga mukha ang eksaytment at kasiyahan sa mga bagay na bago sa kanila, na sa mga susunod na panahon ay matututunan nilang gamitin. Sa maniwala kayo o hindi, ito ang kauna-unahang pagkakataon na maka-kita, maka-hawak at maka-gamit ng kompyuter. Di rin naitago ng Buddhist monk na ito ang kanyang kasabikan sa pakikipag-usap sa pamamagitan ng local video network sa isa pang monk sa kabilang baryo (na isa ring village hub).



Layunin ng aming proyekto ang magtatag ng e-communities sa bansa, at gamitin ang mga makabagong teknolohiya ng ICT upang mapaunlad ang kanilang pamumuhay. Kung anong klase ng ICT ang kanilang gagamitin, paano nila magagawa, at anu-anong pagbabago ang naidulot nito sa pamumuhay nila ay siya naming gustong alamin sa research project naming ito. Para po sa inyong karagdagang kaalaman, ganito ang itsura ng isang e-community:



Sa ngayon, mayroon nang humigit-kumulang sa sampung village hubs sa probinsiya ng Prey Veng at Kep. May mga kwento ang aming staff tungkol dito. Para naman sa karagdagang impormasyon tungkol sa aming proyekto, pumunta kayo dito.